Vonandi gerist ekkert...

... á meðan þessir nýliðar afla sér áralangrar reynslu fyrrverandi slökkviliðsmanna.  Það væri slæmt fyrir ónefndan slökkviliðsstjóra að hafa mannslát á samviskunni fyrir sérvisku sína í samskiptum við það frábæra og reynslumikla fólk sem nú kveður slökkviliðið. 

Undarlegast þykir mér þó að yfirboðaðarar hans skuli láta svona hluti gerast í svo ágætu sveitarfélagi eins og Árborg er.  Lyktar þetta grunsamlega mikið af pólitík - enda eru meiri- og minnihluti langt frá því að vera sammála um þessa ráðstöfun.  Hér er um að ræða aðgerð sem aldrei hefði þurft að koma til ef stjórnendur hefðu unnið með undirmönnum sínum og verst er að hún  mun hún kosta sveitarfélagið gríðarlega fjármuni sem ekki eru til.

Ég óska nýliðunum alls hins besta í þessu ábyrgðarfulla starfi sem þeir taka sér nú fyrir hendur.  

 

Nýliðar slökkviliðsins þjálfaðir

Athugasemdir

[Vilborg (IP-tala skráð) 10.6.2009 kl. 23:05]

Þeir eru ekki öfundsverði nýliðarnir að fá þessa ábyrgð á herðar.

Staðreyndin er sú að eitt námskeið kemur ekki að sama gagni og reynslan. Hvernig verður útkallið ef enginn af reynsluboltunum verður????? Mér finnst skrýtin áhersla hjá valdamönnum að velja þessa leið. Það segir mér bara eitt. ÞEIR ERU EKKI STARFI SÍNU VAXNIR.......  Ef slys eða bruna ber að þá vildi ég ekki vera þar nálægt.

Reynslan kennir mest, en námskeiðin eru til að viðhalda reynslu og þekkingu og finna betri leið. Á meðan þessir menn öðlast reynslu, þá tapast sú reynsla sem fyrir er.

Ég óska líka nýliðum velfarnaðar í starfi og efast ekki um að þeir muni gera sitt besta. Annað en yfirboðarar þeirra.